Sunday, January 13, 2008

Divus Thomas

St Thomas Aquinas needs no introduction.  Here is a sacred parody in his honour, based on his Pange lingua:


Pange lingua gloriosi
dogmatis mysterium,
Aquinatis pretiosi
quem in lucem gentium
instar solis radiosi
rex accendit gentium.

Nostro datus, nostro natus
Thomas est in ordine
et in scholis conservatus
sparso verbi semine,
sui palmam doctoratus
miro tulit omine.

Nam cum sacræ corpus cenæ
descripsisset fratribus
panis, vini substans plene
solis accidentibus:
'de me, Thoma, scriptum bene',
crux afflavit auribus.

Verbo vitæ Verbum verum
Thomas semper efficit;
ejus stylus dulce merum
nec a fide deficit;
ad docendum cor sincerum
solus Thomas sufficit.

Tantum ergo nos portentem
veneremur cernui;
Aquinatis documentum,
nostro dispar sensui,
præstet nostræ supplementum
virtutis defectui.

Genitori genitoque
laus et jubilatio,
procedenti ab utroque
compar benedictio,
Aquinatis scriptis quoque
sua sit laudatio.

No comments: