A Sequence for the Sacred Heart

From the Mass of the Most Divine Heart of Our Lord, proper to the Sisters of the Good Shepherd, comes this admirable Sequence in worship of that Sacred Heart (verses 1 to 14: 8.8.7.; verses 15 to 18: 8.8.8.7.; verses 19 to 20: 8.8.8.8.7.; verse 21: 7.7.7.7.7.7.):

1. Gaudeamus exultantes

Cordis Jesu personantes

Divina præconia.

2. Hæc est dies veneranda

In qua Patris adoranda

Laudamus præcordia.

3. Cor amandum Salvatoris,

Melis fontem et amoris,

Corda cuncta diligant;

4. Cor beatum summi regis,

Cor et vitam novi legis

Omnes linguæ concinant.

5. Sit laus plena, sit immensa,

Sit perennis, sit accensa

Ardoribus pectoris.

6. Laudet, canat orbis totus,

Colat, amet tota virtus

Et cordis et corporis.

7. Ora, manus, sensus, vigor,

Fides viva, parus amor

Cor divinum consonent;

8. Flammis sacris inflammata,

Corda, voces atque facta

Cor amoris prædicent.

9. Cor mirandum Redemptoris

Coadunans terram cælis,

Unitatis speculum,

10. Digna sedes Trinitatis,

Plenitudo Deitatis,

Amoris miraculum.

11. Amoris evangelium,

Puri cordis incendium,

Magna Dei gloria,

12. Cæli nectar vivificans,

Cordis manna deificans,

Amor et lætitia,

13. Cleri sacri præsidium,

Rector benigne cordium,

Nostra rege pectora.

14. Fons æternæ pietatis,

Ardens fornax caritatis,

Corda flammis devora.

15. Domus amoris aurea,

Turris amantum flammea,

Cœtus nostri lex ignea, 

Fons perennis gratiæ,

16. Cor thesaurus sanctitatis,

Abyssus humilitatis, 

Thronus Dei voluntatis

Et centrum clementiæ.

17. Paradisus beatorum,

Consolator afflictorum,

Pax et salus peccatorum,

Cor omnibus omnia.

18. O Jesu, raptor cordium,

Amore flagrans mentium,

Cor tuum trahat omnium

Mentes et præcordia.

19. O Cor summa benignitas,

Immensa liberalitas,

Incomprehensa caritas,

Cordis vera felicitas,

Cor esto supplicibus.

20. Fac nos Jesu flammescentem

Cordis tui caritatem

Et divinam pietatem

Summam quoque sanctitatem

Sanctis sequi moribus.

21. O beata Trinitas,

Cordis Jesu caritas,

Immensæ clementiæ,

Immensæ sint gratiæ,

Æterna est gloria,

Amen dicant omnia.

Amen. Alleluja.