Mass of Our Lady of Guadalupe

Our Lady of Guadalupe, pray for us!  I blogged about the Mass of her feast some years back, but the links to the EF texts thereof don't work any more, so (after some digging) here is the Proper, ne prorsus interiret.

INTROIT Sedulius; Ps. 44:2 

Salve, sancta Parens, enixa puerpera Regem: qui cælum, terramque regit in sæcula sæculorum. Ps. Eructavit cor meum verbum bonum: dico ego opera mea regi. Gloria Patri. Salve…

COLLECT

Deus, qui sub beatissimæ Virginis Mariæ singulari patrocinio constitutos, perpetuis beneficiis nos cumulari voluisti: præsta supplicibus tuis: ut cujus hodie commemoratione lætamur in terris, ejus conspectu perfruamur in cælis. Per.

EPISTLE Ecclus. 24. 23-31

Ego quasi vitis fructificavi suavitatem odoris, et flores mei, fructus honoris et honestatis. Ego mater pulchræ dilectionis, et timoris et agnitionis, et sanctæ spei. In me gratia omnis vitæ et veritatis: in me omnis spes vitæ et virtutis. Transite ad me omnes qui concupiscitis me, et a generationibus meis implemini. Spiritus enim meus super mel dulcis, et hereditas mea super mel et favum. Memoria mea in generationes sæculorum. Qui edunt me, adhuc esurient: et qui bibunt me, adhuc sitient. Qui audit me, non confundetur: et qui operantur in me, non peccabunt. Qui elucidant me vitam æternam habebunt.

GRADUAL Cant. 6:9; Ecclus. 50:8

Quæ est ista, quæ progreditur quasi aurora consurgens, pulchra ut luna, electa ut sol? V/. Quasi arcus refulgens inter nebulas gloriæ, et quasi flos rosarum in diebus vernis.

ALLELUIA Cant. 2:12

Alleluia, alleluia. V. Flores apparuerunt in terra nostra, tempus putationis advenit. Alleluia. 

GOSPEL Lk. 1:39-47

In illo tempore: Exsurgens Maria abiit in montana cum festinatione in civititem Juda: et intravit in domum Zachariæ, et salutavit Elisabeth. Et factum est, ut audivit salutationem Mariæ Elisabeth, exsultivit infans in utero ejus: et repleta est Spiritu Sancto Elisabeth: et exclamavit voce magna, et dixit: Benedicta tu inter mulieres, et benedictus fructus ventris tui. Et unde hoc mihi, ut veniat Mater Domini mei ad me? Ecce enim ut facta est vox salutationis tuæ in auribus meis, exsultavit in gaudio infans in utero meo. Et beata, quæ credidisti, quoniam perficientur ea, quæ dicta sunt tibi a Domino. Et ait Maria: Magnificat anima mea Dominum: et exsultavit spiritus meus in Deo salutari meo. 

OFFERTORY II Par. 7:16

Elegi, et sanctificavi locum istum, ut sit ibi nomen meum, et permaneant oculi mei, et cor meum ibi cunctis diebus. 

SECRET 

Tua, Domine, propitiatione, et beatæ Maria: semper Virginis intercessione, ad perpetuam atque præsentem hæc oblatio nobis proficiat prosperitatem et pacem. Per. 

COMMUNION Psalm 147:20

Non fecit toliter omni nationi: et judicia sua non manifestivit eis.

POSTCOMMUNION

Sumptis, Domine, salutis nostræ subsidiis: da, quæsumus, beatæ Mariæ semper Virginis patrociniis nos ubique protegi; in cujus veneratione hæc tuæ obtulimus majestati. Per. 

As for the proper Office, Matins and Lauds at least can be seen over at Nova et Vetera...