Apostolic Father Dominic, Zealous Preacher of the Incarnate Word, pray for us!
Here in Australia, owing to Bl Mary MacKillop being given a feast on the 8th, St Dominic has been transferred in the OF to today, the 5th, which was many centuries ago his initial feast day.
The Sequence for the Mass of St Dominic, according to the Dominican Rite, may be accessed here, together with an English translation.
(This evening, as yesterday, I managed to make it to ordinary Mass, hence my celebrating St Dominic today, and yesterday to confession as well; always good. I will plead tiredness for not blogging on that great confessor and patron and model of parish priests, St John Vianney.)
Here are the Dominican Rite Mass propers for the feast of their Founder and Patriarch:
Officium (Ecclus 15:5)
In medio ecclesiæ aperuit os ejus, et implevit eum Dominus spiritu sapientiæ et intellectus: stolam gloriæ induit eum. T.P. Alleluja, alleluja. V/. Jucunditatem et exsultationem thesaurizavit super eum. Gloria Patri. In medio ecclesiæ…
Oratio
Deus, qui ecclesiam tuam beati Dominici confessoris tui, patris nostri, illuminare dignatus es meritis et doctrinis: concede; ut ejus intercessione temporalibus non destituatur auxiliis, et spiritualibus semper proficiat incrementis. Per.
Epistola (2 Tim 4:1-8)
Carissime: Testificor coram Deo et Christo Jesu, qui judicaturus est vivos ac mortuos, per adventum ipsius et regnum ejus: prædica verbum, insta opportune, importune, argue, increpa, obsecra in omni longanimitate et doctrina. Erit enim tempus, cum sanam doctrinam non sustinebunt, sed ad sua desideria coacervabunt sibi magistros prurientes auribus, et a veritate quidem auditum avertent, ad fabulas autem convertentur. Tu vero vigila in omnibus, labora, opus fac evangelistæ, ministerium tuum imple. Sobrius esto. Ego enim jam delibor, et tempus meæ resolutionis instat. Bonum certamen certavi, cursum consummavi, fidem servavi; in reliquo reposita est mihi corona justitiæ, quam reddet mihi Dominus in illa die, justus judex, non solum autem mihi sed et iis, qui diligunt adventum ejus.
Responsorium (Ps 36:30-31)
Os justi meditabitur sapientiam: et lingua ejus loquetur judicium. V/. Lex Dei ejus in corde ipsius: et non supplantabuntur gressus ejus.
(extra T. Sept.) Alleluja, alleluja. V/. Pie pater Dominice, tuorum memor operum; sta coram summo Judice pro tuo cœtu pauperum.
Sequentia (extra T. Sept.)
In cælesti hierarchia,
nova sonet harmonia,
ducta cantico:
Cui concordet in hac via,
nostri chori melodia,
congaudens Dominico.
Ex Ægypto vastitatis,
virum suæ voluntatis
vocat Auctor sæculi,
In fiscella paupertatis,
flumen transit vanitatis,
pro salute populi.
In figura catuli,
prædicator sæculi
matri præmonstratur;
Portans ore faculam,
ad amoris regulam
populos hortatur.
Hic est novus legislator,
hic Elias æmulator,
et detestans crimina.
Vulpes dissipat Samsonis,
et in tuba Gedeonis,
hostis fugat agmina.
A defunctis revocatum,
matri vivum reddit natum,
vivens adhuc corpore:
Signo crucis imber cedit;
turba fratrum panem edit,
missum Dei munere.
Felix, per quem gaudia
tota jam ecclesia
sumens exaltatur.
Orbem replet semine,
in cælorum agmine
tandem collocatur.
Jacet granum occultatum,
sidus latet obumbratum:
sed Plasmator omnium,
Ossa Joseph pullulare,
sidus jubet radiare,
in salutem gentium.
O quam probat carnis florem,
omnem superans odorem,
tumuli fragrantia!
Ægri currunt, et curantur,
cæci, claudi reparantur,
virtutum frequentia.
LAUDES ergo Dominico
personemus mirifico,
voce plena:
Clama petens suffragia,
ejus sequens vestigia,
plebs egena.
Sed tu Pater pie, bone,
pastor gregis, et patrone,
prece semper sedula,
Apud curiam summi Regis,
derelicti vices gregis
commenda per sæcula.
Amen. Alleluja.
Evangelium (Mt 5:13-19)
In illo tempore: Dixit Jesus discipulis suis: Vos estis sal terræ; quod si sal evanuerit, in quo salietur? Ad nihilum valet ultra, nisi ut mittatur foras et conculcetur ab hominibus. Vos estis lux mundi. Non potest civitas abscondi supra montem posita; neque accendunt lucernam et ponunt eam sub modio, sed super candelabrum, ut luceat omnibus, qui in domo sunt. Sic luceat lux vestra coram hominibus, ut videant vestra bona opera et glorificent Patrem vestrum, qui in cælis est. Nolite putare quoniam veni solvere Legem aut Prophetas; non veni solvere, sed adimplere. Amen quippe dico vobis: Donec transeat cælum et terra, iota unum aut unus apex non præteribit a Lege, donec omnia fiant. Qui ergo solverit unum de mandatis istis minimis et docuerit sic homines, minimus vocabitur in regno cælorum; qui autem fecerit et docuerit, hic magnus vocabitur in regno cælorum.
Offertorium (Ps 20:3-4)
Desiderium animæ ejus tribuisti ei, Domine, et voluntate labiorum ejus non fraudasti eum: posuisti in capite ejus coronam de lapide pretioso.
Secreta
Munera tibi, Domine, dicata sanctifica; ut meritis beati Dominici confessoris tui patris nostri, nobis proficiant ad medelam. Per.
Præfatio
Dignum et justum est, æquum et salutare, nos tibi semper et ubique gratias agere, Domine sancte, Pater omnipotens, æterne Deus. Qui in tuæ sanctæ ecclesiæ decorem ac tutamen apostolicam vivendi formam per beatissimum patriarcham Dominicum, renovare voluisti. Ipse enim, genitricis Filii tui semper ope suffultus, prædicatione sua compescuit hæreses, fidei pugiles gentium in salutem instituit, et innumeras animas ad Christum lucrifecit. Sapientiam ejus narrant populi, ejusque laudes nuntiat ecclesia. Et ideo cum angelis et archangelis, cum thronis et dominationibus, cumque omni militia cælestis exercitus, hymnum gloriæ tuæ canimus, sine fine dicentes:
Communio (Lk 12:42)
Fidelis servus et prudens quem constituit dominus super familiam suam: ut det illis in tempore tritici mensuram.
Postcommunio
Concede, quæsumus, omnipotens Deus, ut qui peccatorum nostrorum pondere premimur, beati Dominici confessoris tui, patris nostri, patrocinio sublevemur. Per.
In the modern Dominican Rite, Isaias lii, 7-10 is added as a first lesson, which in the traditional Dominican Rite is used as a first lesson for the Vigil Mass of Christmas:
Lectio (Is 52:7-10)
Hæc dicit Dominus: Quam pulchri super montes pedes annuntiantis et prædicantis pacem, annuntiantis bonum, prædicantis salutem, dicentis Sion: Regnabit Deus tuus! Vox speculatorum tuorum: levaverunt vocem, simul laudabunt, quia oculo ad oculum videbunt, cum converterit Dominus Sion. Gaudete et laudate simul, deserta Jerusalem, quia consolatus est Dominus populum suum, redemit Jerusalem. Paravit Dominus brachium sanctum suum in oculis omnium gentium; et videbunt omnes fines terræ salutare Dei nostri.
In the Novus Ordo (as used by Dominicans, with the addition of [Father] below), these are the orations used (the latter two deriving from the 1738 Paris Missal), and the special Dominican Rite solemn blessing:
Adjuvet ecclesiam tuam, Domine, beatus Dominicus meritis et doctrinis, atque pro nobis efficiatur piissimus interventor, qui tuæ veritatis exstitit prædicator eximius. Per.
Preces, quas tibi, Domine, offerimus, intercedente beato [patre] Dominico, clementer intende, et, hujus sacrificii virtute potenti, fidei propugnatores gratiæ tuæ protectione confirma. Per.
Cælestis, Domine, virtutem sacramenti, quo in beati commemoratione [patris] Dominici pasti sumus, percipiat ecclesia tua plenæ devotionis affectu, et cujus prædicatione floruit, ejus intercessione juvetur. Per.
Benedictio
Deus Pater omnipotens qui evangelii ministrum constituit sanctum Dominicum, confirmet vos in vocatione vestra. R/. Amen.
Et qui benignitatem et humanitatem Salvatoris nostri fecit apparere in famulo suo Dominico, vos quoque conformes faciat imagini Filii sui. R/. Amen.
Et qui misericordia erga peccatores et pauperes sanctum ditavit Dominicum, repleat vos Spiritu Sancto ad annuntiandum evangelium pacis. R/. Amen.
Finally, here is another prayer for the feast, from the Traditional Rite of Milan:
Oratio ad offertorium (Amb.)
Intercessio nobis, Domine, beati Dominici confessoris tui, patris nostri, cunctarum obtineat dona virtutum: ut servorum tuorum numerus augeri, et peccatorum rebelles ad te converti valeant voluntates. Per.
Here in Australia, owing to Bl Mary MacKillop being given a feast on the 8th, St Dominic has been transferred in the OF to today, the 5th, which was many centuries ago his initial feast day.
The Sequence for the Mass of St Dominic, according to the Dominican Rite, may be accessed here, together with an English translation.
(This evening, as yesterday, I managed to make it to ordinary Mass, hence my celebrating St Dominic today, and yesterday to confession as well; always good. I will plead tiredness for not blogging on that great confessor and patron and model of parish priests, St John Vianney.)
Here are the Dominican Rite Mass propers for the feast of their Founder and Patriarch:
Officium (Ecclus 15:5)
In medio ecclesiæ aperuit os ejus, et implevit eum Dominus spiritu sapientiæ et intellectus: stolam gloriæ induit eum. T.P. Alleluja, alleluja. V/. Jucunditatem et exsultationem thesaurizavit super eum. Gloria Patri. In medio ecclesiæ…
Oratio
Deus, qui ecclesiam tuam beati Dominici confessoris tui, patris nostri, illuminare dignatus es meritis et doctrinis: concede; ut ejus intercessione temporalibus non destituatur auxiliis, et spiritualibus semper proficiat incrementis. Per.
Epistola (2 Tim 4:1-8)
Carissime: Testificor coram Deo et Christo Jesu, qui judicaturus est vivos ac mortuos, per adventum ipsius et regnum ejus: prædica verbum, insta opportune, importune, argue, increpa, obsecra in omni longanimitate et doctrina. Erit enim tempus, cum sanam doctrinam non sustinebunt, sed ad sua desideria coacervabunt sibi magistros prurientes auribus, et a veritate quidem auditum avertent, ad fabulas autem convertentur. Tu vero vigila in omnibus, labora, opus fac evangelistæ, ministerium tuum imple. Sobrius esto. Ego enim jam delibor, et tempus meæ resolutionis instat. Bonum certamen certavi, cursum consummavi, fidem servavi; in reliquo reposita est mihi corona justitiæ, quam reddet mihi Dominus in illa die, justus judex, non solum autem mihi sed et iis, qui diligunt adventum ejus.
Responsorium (Ps 36:30-31)
Os justi meditabitur sapientiam: et lingua ejus loquetur judicium. V/. Lex Dei ejus in corde ipsius: et non supplantabuntur gressus ejus.
(extra T. Sept.) Alleluja, alleluja. V/. Pie pater Dominice, tuorum memor operum; sta coram summo Judice pro tuo cœtu pauperum.
Sequentia (extra T. Sept.)
In cælesti hierarchia,
nova sonet harmonia,
ducta cantico:
Cui concordet in hac via,
nostri chori melodia,
congaudens Dominico.
Ex Ægypto vastitatis,
virum suæ voluntatis
vocat Auctor sæculi,
In fiscella paupertatis,
flumen transit vanitatis,
pro salute populi.
In figura catuli,
prædicator sæculi
matri præmonstratur;
Portans ore faculam,
ad amoris regulam
populos hortatur.
Hic est novus legislator,
hic Elias æmulator,
et detestans crimina.
Vulpes dissipat Samsonis,
et in tuba Gedeonis,
hostis fugat agmina.
A defunctis revocatum,
matri vivum reddit natum,
vivens adhuc corpore:
Signo crucis imber cedit;
turba fratrum panem edit,
missum Dei munere.
Felix, per quem gaudia
tota jam ecclesia
sumens exaltatur.
Orbem replet semine,
in cælorum agmine
tandem collocatur.
Jacet granum occultatum,
sidus latet obumbratum:
sed Plasmator omnium,
Ossa Joseph pullulare,
sidus jubet radiare,
in salutem gentium.
O quam probat carnis florem,
omnem superans odorem,
tumuli fragrantia!
Ægri currunt, et curantur,
cæci, claudi reparantur,
virtutum frequentia.
LAUDES ergo Dominico
personemus mirifico,
voce plena:
Clama petens suffragia,
ejus sequens vestigia,
plebs egena.
Sed tu Pater pie, bone,
pastor gregis, et patrone,
prece semper sedula,
Apud curiam summi Regis,
derelicti vices gregis
commenda per sæcula.
Amen. Alleluja.
Evangelium (Mt 5:13-19)
In illo tempore: Dixit Jesus discipulis suis: Vos estis sal terræ; quod si sal evanuerit, in quo salietur? Ad nihilum valet ultra, nisi ut mittatur foras et conculcetur ab hominibus. Vos estis lux mundi. Non potest civitas abscondi supra montem posita; neque accendunt lucernam et ponunt eam sub modio, sed super candelabrum, ut luceat omnibus, qui in domo sunt. Sic luceat lux vestra coram hominibus, ut videant vestra bona opera et glorificent Patrem vestrum, qui in cælis est. Nolite putare quoniam veni solvere Legem aut Prophetas; non veni solvere, sed adimplere. Amen quippe dico vobis: Donec transeat cælum et terra, iota unum aut unus apex non præteribit a Lege, donec omnia fiant. Qui ergo solverit unum de mandatis istis minimis et docuerit sic homines, minimus vocabitur in regno cælorum; qui autem fecerit et docuerit, hic magnus vocabitur in regno cælorum.
Offertorium (Ps 20:3-4)
Desiderium animæ ejus tribuisti ei, Domine, et voluntate labiorum ejus non fraudasti eum: posuisti in capite ejus coronam de lapide pretioso.
Secreta
Munera tibi, Domine, dicata sanctifica; ut meritis beati Dominici confessoris tui patris nostri, nobis proficiant ad medelam. Per.
Præfatio
Dignum et justum est, æquum et salutare, nos tibi semper et ubique gratias agere, Domine sancte, Pater omnipotens, æterne Deus. Qui in tuæ sanctæ ecclesiæ decorem ac tutamen apostolicam vivendi formam per beatissimum patriarcham Dominicum, renovare voluisti. Ipse enim, genitricis Filii tui semper ope suffultus, prædicatione sua compescuit hæreses, fidei pugiles gentium in salutem instituit, et innumeras animas ad Christum lucrifecit. Sapientiam ejus narrant populi, ejusque laudes nuntiat ecclesia. Et ideo cum angelis et archangelis, cum thronis et dominationibus, cumque omni militia cælestis exercitus, hymnum gloriæ tuæ canimus, sine fine dicentes:
Communio (Lk 12:42)
Fidelis servus et prudens quem constituit dominus super familiam suam: ut det illis in tempore tritici mensuram.
Postcommunio
Concede, quæsumus, omnipotens Deus, ut qui peccatorum nostrorum pondere premimur, beati Dominici confessoris tui, patris nostri, patrocinio sublevemur. Per.
In the modern Dominican Rite, Isaias lii, 7-10 is added as a first lesson, which in the traditional Dominican Rite is used as a first lesson for the Vigil Mass of Christmas:
Lectio (Is 52:7-10)
Hæc dicit Dominus: Quam pulchri super montes pedes annuntiantis et prædicantis pacem, annuntiantis bonum, prædicantis salutem, dicentis Sion: Regnabit Deus tuus! Vox speculatorum tuorum: levaverunt vocem, simul laudabunt, quia oculo ad oculum videbunt, cum converterit Dominus Sion. Gaudete et laudate simul, deserta Jerusalem, quia consolatus est Dominus populum suum, redemit Jerusalem. Paravit Dominus brachium sanctum suum in oculis omnium gentium; et videbunt omnes fines terræ salutare Dei nostri.
In the Novus Ordo (as used by Dominicans, with the addition of [Father] below), these are the orations used (the latter two deriving from the 1738 Paris Missal), and the special Dominican Rite solemn blessing:
Adjuvet ecclesiam tuam, Domine, beatus Dominicus meritis et doctrinis, atque pro nobis efficiatur piissimus interventor, qui tuæ veritatis exstitit prædicator eximius. Per.
Preces, quas tibi, Domine, offerimus, intercedente beato [patre] Dominico, clementer intende, et, hujus sacrificii virtute potenti, fidei propugnatores gratiæ tuæ protectione confirma. Per.
Cælestis, Domine, virtutem sacramenti, quo in beati commemoratione [patris] Dominici pasti sumus, percipiat ecclesia tua plenæ devotionis affectu, et cujus prædicatione floruit, ejus intercessione juvetur. Per.
Benedictio
Deus Pater omnipotens qui evangelii ministrum constituit sanctum Dominicum, confirmet vos in vocatione vestra. R/. Amen.
Et qui benignitatem et humanitatem Salvatoris nostri fecit apparere in famulo suo Dominico, vos quoque conformes faciat imagini Filii sui. R/. Amen.
Et qui misericordia erga peccatores et pauperes sanctum ditavit Dominicum, repleat vos Spiritu Sancto ad annuntiandum evangelium pacis. R/. Amen.
Finally, here is another prayer for the feast, from the Traditional Rite of Milan:
Oratio ad offertorium (Amb.)
Intercessio nobis, Domine, beati Dominici confessoris tui, patris nostri, cunctarum obtineat dona virtutum: ut servorum tuorum numerus augeri, et peccatorum rebelles ad te converti valeant voluntates. Per.
No comments:
Post a Comment