Annuntio vobis gaudium magnum;
habemus Papam:
Eminentissimum ac Reverendissimum Dominum,
Dominum Robertum Franciscum
Sanctæ Romanæ Ecclesiæ Cardinalem Prevost,
qui sibi nomen imposuit Leonem Decimum Quartum.
++++++
Preces pro Papa Leone XIV
V. Orémus pro beatíssimo Papa nostro Leóne.
R. Dóminus consérvet eum, et vivíficet eum, et beátum fáciat eum in terra, et non tradat eum in ánimam inimicórum ejus. Ps. 40, 3 (ex Lit. Ss.)
V. Fiat manus tua super virum déxteræ tuæ.
R. Et super fílium hóminis quem confirmásti tibi. Ps. 79, 18
Orémus.
Oratio
Deus, ómnium fidélium pastor et rector, fámulum tuum Leónem, quem pastórem Ecclésiæ tuæ præésse voluísti, propítius réspice: † da ei, quǽsumus, vérbo et exémplo, quibus præest, profícere; * ut ad vitam, una cum grege sibi crédito, pervéniat sempitérnam. Per Christum Dóminum nostrum. R. Amen.
++++++
